MƏNƏVİLİK QITLIĞI HADİSƏSİ
Səbəb: 1. Maddiyyatçılıq.
2. Dialektika fetişi.
3. Makkiavelçilik.
4. Antişərq.
Nəticə: İnamsızlıq.
Çıxış Yolu: Amal.
22 İnam günü, Qar Ayı, 10-cu il. Bakı.
QORBAÇOV ŞÖHRƏTİ
İmperiyaqıran sayırlar – özünü imperiya quran sayanı.
TƏZƏ SEÇKİ
Köhnə Yalan.
SOSİALİST ÇOXRƏYLİYİ
Yalanlar birliyi.
ZORSUZ DÜNYA SİYASƏTİ
Zoru yaşatmaq siyasəti.
MİLLİ DÖVLƏT DİLLƏRİ
Milli Dil vasitəsiylə antimilliliyi saxlamaq siyasəti.
TÜRKİYƏ İLƏ MƏDƏNİ ƏLAQƏ
Antimilli qüvvələrin birliyi.
GÜCSÜZLÜK
Güclü Mərkəz – Güclü müttəfiq respublika ideyası Yalandır.
Güclü Mərkəz – gücsüz müttəfiq respublika deməkdir və əksinə…
Güclü respublika – müstəqil respublika deməkdir ki, mərkəz ona qarşıdır…
Məntiqləri gücsüzdür yenilikçilərin, özlərini aldadırlar ki, Yalanlarına inansınlar.
“QAYĞI” ŞƏRİ
Sovet Azərbaycanı – mahiyyət etibarilə antiazərbaycandır.
“Qayğı” cəmiyyəti Sovet Azərbaycanına xidmət eləyir, bu səbəbdən də Şər alətidir.
“VƏTƏN” ŞƏRİ
Sovet Azərbaycanı – mahiyyət etibarilə antiazərbaycandır.
“Vətən” cəmiyyəti Sovet Azərbaycanına xidmət eləyir, bu səbəbdən də Şər alətidir.
ŞƏR “MİLLİLİYİ”
Boyunduruğun üzərini milli naxışlarla bəzəyirlər.
ŞƏR “XƏLQİLİYİ”
Satırlar camaatı Güzərana, Dolanacağa, “Xəlqiləşdirirlər” Boyunduruğu.
NOVRUZ BAYRAMI SİYASƏTİ
Novruz Bayramından “Yaşasın Şər” Həqarəti yağdı Yurdumuza.
22 Dözüm günü, Günəş Ayı, 11-ci il. Bakı.
XEYİRİ ŞƏRƏ QATMAQ
Novruz Bayramını Şər seçkisinə Girişə çevirdilər.
24 Qismət günü, Günəş Ayı, 11-ci il. Bakı.
GÜRCÜSTAN HADİSƏSİ
Gürcülər İmperiyaya qarşı çıxdılar, Ayrılmağa çağırdılar xalqı.
Respublikalar arasında antiimperialist Birlik üçün imkan yaranır – onun gerçəkləşməsinə çalışmalıyıq gələcəkdə.
FƏRQ
Pribaltikalılar Şərlə – Mərkəzi Komitəylə birləşməkdə strateji səhvə yol verdilər.
Gürcülər Şərə – Mərkəzi Komitəyə qarşı çıxmaqda strateji Dürüstlük əldə etdilər.
SİYASİ OYUN
Fidel Kastro Qorbaçova yaramır, bu səbəbdən də Qorbaçov Fideli aldatmağa çalışır.
Kastro özünü o yerə qoymur, Qorbaçova inam bəslədiyini göstərir.
Siyasi Oyun oynayırlar biri-biriylə Amaldaşlar.
BELQIRAN
Tetçer Qorbaçov vasitəsiylə sosializmin belini qırmaq istəyir.
O həm də SSRİ və ümumən sosializm daxilində Qorbaçova qarşı oppozisiyanı gücləndirir – əslində Qorbaçovun özünün də belini qırır.
10 Arzu günü, Çiçək Ayı, 11-ci il. Bakı.
TƏZƏ AZƏRBAYCAN VALİSİ
1. Düşüncə imkanı kasaddır – fikirsiz sözlər hərarətlə, şiddətlə, aramsız tüğyan eləyir.
2. Camaatın aldanmasına inamı qətidir, çünki inamsızdır.
3. Aktyorluğu gücsüzdür: “Təbiiliyi” süni görünür, “Doğmalığı” Yad.
4. Harayı gülüncdür: “Qoymurlar sizə hamam tikəm, qaz çəkdirəm, ay camaat!”
5. Güzəran vəd edib ləyaqət almaq istəyir Siyasi Dəllal: ləyaqətsizliyə arxalanır.
6. Hakimlik havasından divanələşib – Hakimliyi itirsə – ölər.
17 Arzu günü, Çiçək Ayı, 11-ci il. Bakı.
ŞƏRİN TƏZƏ XƏTTİ
Siyasi Kəndirbazlıq.
İRƏLİLƏYİŞ
Açıq-saçıqlıq Tüğyanıyla Sovet Avropaya deyir ki, “Abırsızlıqda səndən geri qalmıram!”
ŞƏR ÇAĞIRIŞI
“Bütün dünyanın proletarları birləşin!” – yəni “Bütün dünyanın millətləri parçalanın!”
2 İnam günü, İşıq Ayı, 11-ci il. Bakı.
ŞƏR MƏZHƏKƏÇİLİYİ
Demokratikləşmə – Torbaya salınmış Günəş.
Aşkarlıq – Torbada gəzdirilən Günəş.
SOVET MİLLİ CƏBHƏLƏRİ
Boyunduruq saxlayanlar.
MİLLİ DÖVLƏT DİLLƏRİ
Millətlərin Dilə tutulması.
PRİBALTİKA XƏTTİ
Boyunduruqda çiçəklənmək.
