ƏDƏBİ FƏLAKƏT
Öz tarixi ərzində Azərbaycan Sovet ədəbiyyatı “Yaşasın Boyunduruq!” sözündən başqa heç nə deməyib mahiyyətcə.
BUGÜNKÜ TÜRKİYƏ
Hakimləri – Avropa yönlü.
İqtisadiyyatı – Kəsərsiz.
Ziyalısı – Yolsuz.
Xalqı – Qadir.
TÜRKİYƏ–AZƏRBAYCAN MƏDƏNİ ƏLAQƏLƏRİ
Şər körpüsü düzəldirlər Yurdumuzdan qulluqçular:
Şər aparırlar, Şərçi qonaqlayırlar.
İQTİSADİ İNQİLAB
“Yüksək Sosialist Qəhrəmanlığının” “Alçaq Burjua Dəllallığına” sığınması.
SSRİ-nin TƏZƏ BEYNƏLXALQ NÜFUZU
Kommunizm İflasından götürülən Bəhrə.
HÜQUQ İSLAHATI
Şərin hüquqa mindirilməsi.
SOSİALİST ÇOXRƏYLİYİ
(Plüralizmi)
Şər küpəgirənliyi.
TƏZƏ SOVETLƏR
Şər Həngaməsi.
PARTİYA İSLAHATI
Zoru doğrultmaq.
VAHİD AVROPA EVİ
Şərə açılan Qapı.
TARİXİ HADİSƏ
Rus hakimiyyəti – Rus xalqının Müsibəti.
MÜASİR SSRİ
Xalqlar Oyunxanası.
ŞƏR TƏZƏLİKLƏRİ
1. Təzə sosializm – “Xeyirləşən” Şər.
2. Təzə sosial xətt – “Doğmalaşan” Şər.
3. Təzə xarici siyasət – Şər xilası.
4. Təzə seçki – Şərtəhər.
5. İcarəçilik – Şər kirayəsi.
6. Kooperasiya – Şər artığı.
7. Qeyri-formal Təşkilatlar – Şəraltılar.
ŞƏR MƏQSƏDLƏRİ
“Vətən” cəmiyyəti vasitəsiylə Vətəndən kənardakıları Şərləşdirmək.
“Qayğı” cəmiyyəti vasitəsiylə Şəri xalqa mərhəmləşdirmək.
ŞƏRİN MİLLİ İSLAHATI
Üstündə milli naxış çəkilmiş Boyunduruq.
6 Murad günü, İşıq Ayı, 11-ci il. Bakı.
MİTİNQ AZADLIĞI
Əsarəti möhkəmləndirən.
AVROPA PARLAMENTARİZMİ
Atasızlıq.
KOMMUNİSTLİK
Yer cənnəti uğrunda döyüş – Əqidəsizlikdir.
OLMAYAN – OLAN
Yoldaş – Cənab deyən oldu.
Mərkəzi Komitə – Saray deyən oldu.
Baş Katib – Çar deyən oldu.
Kolxoz – Dövlət təhkimçiliyi deyən oldu.
SSRİ – Rus İmperiyası deyən oldu.
Müttəfiq Respublikalar – koloniyalar deyən oldu.
Birlik – Ağalıq deyən oldu.
Qardaşlıq – Mütilik deyən oldu.
Çiçəklənmə – İflas deyən oldu.
Sıçrayış – Uçurum deyən oldu.
İNQİLABIN NƏTİCƏSİ
Sosializm Rus imperiyasını süqutdan xilas etdi:
Milli azadlıq Hərəkatlarının qarşısını aldı.
Oktyabr İnqilabı – İmperiya xilaskarı adlandırılmalıdır.
ÖZÜNÜALDADAN
Qorbaçov Qərbi aldadır ki, “Kommunizmi sarsıdıram”.
Şərqi aldadır ki, “Kommunizmi möhkəmlədirəm”.
Özünü Qərbin və Şərqin fövqündə hiss edir: – Əslində isə özünü aldadır – çünki hər ikisindən aşağıdır.
7 İnam günü, İşıq Ayı, 11-ci il. Bakı.
MİLLİ ÖZÜNÜDƏRKETMƏ
Antikommunizm.
TƏZƏ ƏQİDƏSİZLİK
“Əqidədən ötrü ölməyə dəyməz!” inamı.
ƏFQANISTAN FƏLAKƏTİ
Hamilik Zülmətinə qərq olmaq.
ŞƏRİN TƏZƏ LATIN AMERİKA SİYASƏTİ
Latın Amerikasını Təzə Sosializmin sınaq meydanına çevirmək.
ŞƏRİN TƏZƏ AVROPA SİYASƏTİ
Avropadan bəhrələnmək vasitəsiylə – Avropanı Şərləşdirmək.
ŞƏRİN TƏZƏ ASİYA SİYASƏTİ
Asiyayla “mərhəmlik” vasitəsiylə Asiyanı Şərləşdirmək.
TƏZƏ SOVET–ÇİN MÜNASİBƏTLƏRİ
Müştərək Hakimlik oyunu.
9 Ümid günü, İşıq Ayı, 11-ci il. Bakı.
MÜSAVAT PARTİYASI
Milli Dövlət Fədaisi.
MİLLİ YAS GÜNÜ
28 Aprel 1920-ci il – Milli Azərbaycan Dövlətinin beynəlmiləlçi şərçilər tərəfindən devrilməsi.
