Asif Atanın – İnam Atanın Mütləqə İnam Ocağı
Ata – Ocaq Günsırasının 39-cu ili
Qutsal “Xəlqilik” Bayramının
GEDİŞ Yazısı
Yer: Soylunun həyəti (Saray-Soylu qəsəbəsi);
Gün: 13 Şölə Ayı;
Başlanır: saat 15.00
Bayramın hazırlıq işlərinə sorumlu Üstün, Ulusəs Atalılardır.
Həyətdə Bayram tonqalı qalanır.
Hamı sayğı duruşunda: Tonqal başında qutsal söz deyilir.
“Təbiətdəki Mütləqlə Gündüz Təması”nı – Üstün,
“Ataya Günorta Ricası”nı – Göylü deyir.
Ocaq Yükümlüsü Soylu Atalının Bayrama giriş sözü dinlənilir.
Bayram qonuları:
- Xalqın yaşam nizamı ruhaniyyat işığında qurulur.
- Bəşər – ruhaniyyatlaşan xalqlar deməkdir.
Qatılanlar bayram üstə düşüncələrini bölüşürlər.
Çıxışlararası bədii hissəyə yer verilir – şeir deyilir, musiqi səsləndirilir.
Bayrama ruhsal bağışlamalar sunulur.
“Xəlqilik Şərqisi”ni – Üstün,
“Xəlqilik Bayramı üstə Mütləqlə Təmas”ı – Ulusəs deyir.
Ocaq Yükümlüsü Ata Sözünü çatdırır: “Xalqlaşın – Xalqlaşdırın!”
Hamı: “Xalqa and olsun, ruhsal xalq yaratmağa qulluq edəcəyəm!” deyir.
“Ata Ruhunu ürəyimizdə aparırıq!”, “Atamız Var olsun!” Səcdəsilə Bayramın törən hissəsi sona çatır.
Doğmalaşma çay süfrəsində davam edir.
CARLAR
- Ruhaniyyatı olan Xalq – Bəşər yüksəkliyində var olan Xalqdır!
- Xalqın ölməzliyini qorumaq – onu Özümlüyünə yüksəltməklə gerçəkləşir!
- Ataya tapınan Xalq qutsaldır!
Gediş Yazısını yazdı: Soylu Atalı
8 Şölə Ayı, 39-cu il. Saray-Soylu.
