Asif Atanın fəlsəfi irsinə dərindən bələd olmadan haqqında ekspert rəyi bənzəri fikir söyləmək diletantlıq, ya da söz xatirinə söz deməkdən başqa şey deyil. Asif Ata haqda fikir sərgiləmək eyni zamanda milli dəyərlərimizə yanaşmamız qədər sorumluluq tələb edir. Çünkü Asif Atanın təliminin rişələri minilliklərin milli, mənəvi tarixinə dayanır… Buna baxmayaraq, az-çox oxuduqlarıma, çoxillik təəssüratlarıma əsaslanaraq, bir neçə fikir söyləyə bilərəm. Yanıla bilməyim istisna deyil. Bu təlim sovet rejiminin təhdidləri fonunda xalqın milli ruhunu yaşatmağı bacardı. Mənəvi, fiziki basqılara baxmayaraq, həmin dövrdə yarandı, yaşadı. İndi də yaşayır, yaşamağa məhkumdur. Anladığım qədər, bu təlim sovetin “ottepel” dövründə Asif Əfəndiyevin timsalında, hürufiliyin milli ruha bağlılığının davamı kimi, yeni şəkil alaraq təzədən doğuldu. Milli ruh hər hansı formada yenidən araya gəlməliydi, gəldi də. Bu sadəcə, Asif Ata varlığında təcəlla etdi… Burda Asif Ata avtoritet kimi yox, aramızdan biri kimi göründü, təqribən Budda, ya da İsa kimi. O, başqa dinlərdəki peyğəmbərlər kimi, hökmranlıq edən, əmr edən, fətva verən deyildi. Bu təlim Yaradanı insanın özüylə eyniləşdirir – insanı xaliq görür, qul yox. Hətta deyərdim, bu təlimin müddəaları yaradılışın müasir fəlsəfi-elmi anlayışlarıyla üst-üstə düşür.
Asif Ata təlimi pozitiv ideoloji təlim kimi təqdirəlayiqdir. Bu təlim daha çox səmavidir (insan ruhunu kosmosa açmaq anlamında), nəinki səmavi adlanıb da Yer “qayğıları” ilə uğraşan dinlər. Asif Ata təlimi daha çox dindir və bu, Tanrının özünün istəyə biləcəyi, insan övladının fitrətilə səsləşən dindir, nəinki özü özünü sülh dini kimi elan edib, ancaq hiyləgərcəsinə, fiziki ekspansiya yoluyla məişətimizədək soxulub, hələ də dominant olan, insanlığa qarşı olan islam dini. Bu təlim daha bəşəridir, daha doğmadır, nəinki bütün yabançı dinlər. Bu təlim milliliyimizdən ucalır. Bu təlim tənqidlərə də açıqdır, tolerantdır, intellektualdır, təzələnməyə, inkişafa açıqdır. Bu açıdan, Asif Ata Ocağının belə bəşəri dəyərləri yaşatmaq kimi önəmli funksiyası var.
Bu Ocaq xalqımızın mənəvi təmizlənməsi (katarsis) yeri hesab olunmalıdır. Bu Ocaq –insanlarımızın zehniyyətini istismar, manipulyasiya predmeti kimi görən, mənhus strateji siyasi planlarıyla xərçəng yarası kimi ölkəmizdə kök salmış yad dinlərə qarşı immunitet kimi yaşayır. Bundan sonra da yaşayıb-şaxələnmək onun vacib missiyasıdır. Çünkü aydınlarımız, milli məfkurə daşıyıcılarının içlərində bu təlimə sevgi, rəğbət kök salıb. Bunun ruhumuzdan çıxarılması mümkünsüzdür. Ölkəmizdə insanlığın daim ucalması naminə Asif Ata təliminin yaşaması, təşəkkül tapması arzularıyla!
